Tvær grænmetispizzur

Hér er uppskrift af tveim grænmetispizzum sem koma úr bókinni Grænn kostur Hagkaupa eftir Sollu Eiríks. Fyrst kemur grunnuppskriftin af botninum sem dugar í tvo pizzabotna og svo kemur samsetning af áleggjum á botnanna.

Grunn-Flatbökudeig

250g gróft spelt

3 tsk vínsteinslyftiduft

1/2 tsk salt

1 tsk oregano

1-2 msk ólífuolía

125 ml heitt vatn

Aðferð:

1. Blandið þurrefnum saman í skál eða setjið í matvinnsluvél með hnoðara, það er mun auðveldara.

2. Bætið olíu útí, síðan vatninu og hnoðið deigið.

3. Stráið smá spelt á boð og fletjið deigið frekar þunnt út. Settu disk sem er um 25 cm í þvermál ofaná deigið til að ná hringlaga botni.

4. Setjið bökunarpappír á ofnplötu, deigið þar ofaná og forbakið við 200°C í 3-4 mín.

5. Þegar botnarnir koma úr ofninum er mikilvægt að leggja rakt stykki ofaná botnanna, svo þeir verði ekki að tvíbökum.

-Úr uppskriftinni fást tveir botnar, 25 cm í þvermál.

Áhöld:

Aðferð:

Geitaostur og klettasalat á flatböku

1 stk forbakaður flatkökubotn

1-2 dl hefbundið pestó

10 stk grænar ólífur

3 stk plómutómatar

10 stk kapersber á stöngli

200 g geitaostur

1 dl parmesanostur

25 stk rósmarínnálar

smá sjávarsalt og nýmalaður pipar

1 hnefi klettasalat

1. Skerið tómata í sneiðar og rífið parmesanostinn.

2. Smyrjið pestó á botninn og stráið ólífum, tómatsneiðum og kapersberjum yfir botninn.

3. Skerið geitaostinn í bita og stráið yfir ásamt parmesanosti, rósmarín, sjávarsalti og svörtum pipar.

4. Bakið flatbökuna við 200°C í 10 mínútur.

5. Á meðan flatbakan er að bakast er smart að láta klettasalatið liggja í bleyti og skutla því svo yfir bökuna þegar hún er tilbúin.

Rauðlaukur og paprika á flatböku

1 stk forbakaður flatbökubotn

1 dl hefbundið pestó

2 tsk rauðlaukur

1/2 krukka grilluð paprika

10 stk ólífur

rifinn parmesanostur

smá sjávarsalt og nýmalaður pipar

1. Smyrjið pestó á flatbökubotninn.

2. Skerið rauðlaukinn í grófa báta og stráið yfir ásamt grillaðari papriku og ólífum.

3. Sráið síðan rifnum parmesanosti yfir og geitaostinn og kryddið með salti og pipar.

4. Bakið við 200°C í 10-12 mínútur.