Humarpizza

Þessi uppskrift kemur úr bókinni Af bestu lyst 4. Í staðinn fyrir humar má vel nota rækjur, túnfisk eða stinnan hvítan fisk. Ég notaði risarækjur, minnkaði örlítið magnið af hvítlauk og setti chilliolíu ásamt ólífuolíunni til að láta rækjurnar liggja í á meðan ég gerði botninn.

Fylling:

4 hvítlauksgeirar

2 msk ólífuolía

8-10 litlir humarhalar, rækjur eða annað fiskmeti

Pítsubotn:

2 1/2 dl hveiti

1 1/2 dl heilhveiti

3 tsk lyftiduft

1/2 tsk salt

1 tsk pítsakrydd

2 msk ólífuolía

1 1/2 dl vatn

1/2 dl póletna-maísmjöl eða hveiti

1 lítil dós tómatkraftur

90 g rjómaostur

60 g mozzarellaorstur, rifinn

2 dl steinselja

1 askja kokteiltómatar eða 3 stærri tómatar

klettasalat

Aðferð:

1. Saxið hvítlaukinn smátt og hrærið saman við ólífuolíuna.

2. skel-garnhreinsið humarinn, leggið í skálina með hvítlauksolíunni og látið standa.

3. Hitið ofninn í 200°C. Hrærið saman hveiti, heilhveiti, lyftidufti, salti og pítsakryddi með sleif í hrærivélaskálinni.

4. Blandið olíu og volgu vatni saman við og hnoðið með hnoðkrók á hrærivélinni (eða höndunum).

5. Stráið smávegis af pólentu eða hveiti á borðið undir deigið og fletjið frekar þunnt út og bakið í 3 mínútur.

6. Smyrjið tómatkrafti á pítsadeigið og setjið rjómaostinn hér og þar í smáklípum.

7. Stráið mozzarellaostinum yfir og bakið í 5-10 mínútur. Setjið þá humarinn á pítsuna ásamt saxaðri steinselju og kokteiltómutum og bakið í 3-5 mínútur.

8. Stráið klettasalati yfir pizzuna áður en hún er borin fram.