Hafrakökur með pecanhnetum, suðursúkkulaði og rúsínum.

Þessi uppskrift er fullkomin til að taka í göngur og fjallgöngur. Það má segja að þessi uppskrift sé algjör orkubomba en í um 100 grömmum er 445 kaloríur, 5.3 grömm prótein, 59 grömm kolvetni og 22 g fita. Fyrir langar göngur er mikilvægt að taka með sér orkuríkan mat af mörgum ástæðum:

-Langar göngur krefjast stöðugrar líkamlegrar áreynslu, og orkuríkur matur veitir þær hitaeiningar sem líkaminn þarf til að starfa á skilvirkan hátt. Matur sem er ríkur af kolvetnum og fitu hjálpar til við að viðhalda orku og koma í veg fyrir þreytu meðan á göngunni stendur.

-Orkuríkur matur eins og hnetur, þurrkaðir ávextir og orkustangir eru hitaeiningaþéttir en léttir, sem er lykilatriði þegar þú ert með bakpoka. Þessi matur veitir hámarks orku án þess að bæta við óþarfa þyngd eða rúmmáli, sem gerir hann tilvalinn fyrir langar göngur þar sem hvert gramm skiptir máli.

-Í langar göngur fá vöðvarnir mikla áreynslu og þurfa að jafna sig á hverjum degi. Orkuríkur matur, sérstaklega sá sem inniheldur prótein, hjálpar til við að gera við vöðvavefi, draga úr verkjum og undirbúa líkamann fyrir næsta dag. Prótein kemur einnig í veg fyrir niðurbrot vöðva á löngum göngum.

-Orkuríkur matur inniheldur oft nauðsynleg vítamín og steinefni sem styðja við starfsemi líkamans, svo sem að viðhalda vökvajafnvægi, stjórna vöðvasamdrætti og styrkja ónæmiskerfið. Þetta hjálpar til við að halda þér heilbrigðum og orkumiklum yfir lengri tíma.

-Kolvetnaríkur matur, eins og hafrar, þurrkaðir ávextir og heilkorn, hjálpar til við að viðhalda stöðugu blóðsykursjafnvægi, kemur í veg fyrir orkuköst og tryggir stöðuga orku meðan á göngunni stendur.

-Fita, sem finnst í matvælum eins og hnetum, fræjum og osti, veitir orku sem brennur hægt og er mikilvæg fyrir þol. Fita brotnar hægar niður en kolvetni og veitir því stöðuga orku yfir lengri tíma, sem minnkar þörfina fyrir tíðar máltíðir.

Í stuttu máli, orkuríkur matur er nauðsynlegur fyrir langar göngur þar sem hann veitir nauðsynlega orku fyrir stöðuga líkamlega áreynslu, hjálpar til við endurheimt, og er léttur og áhrifaríkur í burði.

Uppskriftin er mjög einföld og tók ekki langan tíma að gera. Ég myndi ekki breyta miklu í uppskriftinni, fannst hún góð eins og hún er.

Auðvelt var að vinna með deigið og baksturstíminn aðeins 15 mínútur og hentar því þessi uppskrift mjög vel í kennslu í heimilisfræði, bæði á mið - og unglingastigi. Ekki skemmir fyrir hvað þær eru góðar!

Uppskrift:

50 g pecaanhnetur

75 g rúsínur

100 g suðursúkkulaði

2 1/2 dl hveiti

1/2 tsk lyftiduft

1 tsk kanill

1/2 tsk salt

2 1/2 dl haframjöl

125 g mjúkt smjör

1 1/4 dl púðursykur

1 1/4 dl sykur

1 egg

1 tsk vanilludropar

Aðferð:

1. Hitið ofninn á 180 gráður.

2. Saxið pecanhnetur, rúsínur og súkkulaði gróft.

3. Blandið hveiti, lyftidufti, kanil, salti og haframjölið saman í skál.

4. Þeytið vel saman smjöri, sykri og púðursykri. Bætið svo við eggi og vanilludropum við og þeytið smá í viðbót.

5. Blandið hveitiblöndunni varlega saman við.

6. Hrærið pekanhnetum, rúsínum og súkkulaði varlega saman við (má nota hendur).

7. Búið til kúlur úr deiginu (30 stk) og setjið á plötu með bökunarpappír. Þrýstið ofan á kökurnar með gaffli.

8. Bakið í 15 mínútur eða þar til kökurnar verða ljósgullnar á lit.

9. Setjið bökunarpappírinn með kökunum á kalt yfirborð og kælið þær í 5 mínútur meðan þær harðna. Færið þær svo á kökugrind til að kólna að fullnustu.

Aðferð í myndum:

Hráefni (gleymdi því mikilvægasta, haframjölinu)

Áhöld:

Saxa hnetur, súkkulaði og rúsínur og setja í skál:

Þurrefni sett í skál:

Smjöri og sykri þeytt vel saman í annari skál, svo bætt við eggjum og vanilludropum og þeytt smá meira:

Þurrefnablöndunni blandað við eggja og sykurblönduna og hrært varlega saman.

Svo bæta við hnetum, súkkulaði og rúsínum (ég notaði hendurnar til að hnoða því í deigið):

Búið til kúlur og sett á plötu (30 stk), ýtt með gaffli á kúlurnar:

Baka í 15 mínútur, taka pappír af plötunni og leyfa þeim að kælast, setja svo á bökunargrind: