Gratíneraður fiskur á hrísgjrónabeði

Ég hef ekki oft fiskrétti í ofni í einhverskonar sósu því við erum bara tvö sem borðum það af fimm í fjölskyldunni. En það er alltaf skylda að smakka og hann fór bara nokkuð vel í alla. Uppskritina fék ég af Ljúfmeti og lekkerheit https://ljufmeti.com/2012/08/14/gratineradur-fiskur-a-hrisgrjonabedi/ . Þetta er mjög fljótleg uppskrift og mjög bragðgóður, hann verður allavega eldaður oftar á þessu heimili.

Uppskrift:

hrísgrjón (ég sauð 2 poka af hrísgrjónum)

þorskur eða ýsa (ég var með 700g)

töfrakrydd (má sleppa)

2,5 dl rjómi

3 msk majónes

2 tsk dijon sinnep

2 tsk karrý

50-100 gr ferskrifinn parmesan

rauð paprika

1/2 blaðlaukur (ég sleppti honum)

200 gr rifinn ostur

Aðferð:

1. Hitið ofninn í 180°.

2. Sjóðið hrísgrjón og leggið í botninn á eldföstu móti.

3. Skerið fiskinn í sneiðar, leggið yfir hrísgrjónin og kryddið með salti, pipar og því sem þykir gott (ég notaði töfrakrydd frá Pottagöldrum).

4. Hrærið saman rjóma, majónesi, sinnepi, karrý og parmesan. Smakkið til og saltið og piprið.

5. Hellið sósunni yfir fiskinn og stráið fínskorinni papriku og blaðlauk yfir. Setjið að lokum rifinn ost yfir og bakið í ca 30 mínútur.

Aðferð í myndum:

Hráefni:

Sjóðið hrísgrjón eftir leiðbeiningum.

Skerið fisk í bita

Hrærið öllu í skál fyrir sósuna

Setjið hrísgrjón í eldfast form og setjið svo fiskbita yfir:

Kryddið og hellið sósu yfir:

Setjið papriku og ost. Ég setti bara lítið af papriku og í stórum bitum svo matvandir á heimilinu. gætu fjarlægt þær auðveldlega.

Bakið í ofninum í 30 mínútur.